Бишкек шаардык кеңешиндеги «Мекеним Кыргызстан» жана «Республика - Ата Журт» фракциялары көпчүлүк коалициядан чыгарын жарыялашты. Бул тууралуу шаардык кеңештин басма сөз кызматы кабарлады. Азырынча эки партиянын коалициядан чыгышынын себеби айтыла элек. «Республика - Ата Журт» фракциясынын депутаты Канатбек Музуралиев «Азаттык» радиосуна буга чейин коалициядан чыгуу жөнүндө айтылбаганын маалымдады.
Бишкек шаардык кеңешиндеги көпчүлүк коалицияга КСДП, «Республика - Ата Журт», «Мекеним Кыргызстан» жана «Өнүгүү-Прогресс» фракциялары кирген. Ал эми оппозицияда «Кыргызстан» фракциясы калган. (TSh)
Дагы караңыз
Жогорку Кеңештин төрт депутаты ИИМге суракка чакырылдыВенеция комиссиясы: Жогорку Кеңеш конституциялык реформа жүргүзө албайт