"Залкарлардын колунан тарбия алгам"

Акын, ырчы, комузчу Аскат Жетиген ар кыл өнөрү менен таанылган маданий ишмер. Ал Самара Токтакунованын, Нурак Абдрахмановдун, Зайнидин Иманалиевдин, Кенже Кубатованын колунан таалим алып, улуттук өнөрдүн улуу көчүн тартууга кошулган. Соңку маалда жарандык позициясын билдирип, коомдун жүрөк өйүгөн көйгөйлөрүн көтөрүп жүргөн. 16-мартта акын кармалып, эки күндөн кийин Бишкектин Биринчи май райондук соту үй камагына чыгарды. Көпчүлүк ал камакка алынгандан кийин чыгармаларын социалдык тармактардан издеп, угуп, анын талантын баалаганын жазды. Ошол эле маалда элге таанымал өнөр адамынын чектен чыккан кадамын сындагандар да бар. "Азаттык" Аскат Жетигендин чыгармачылыгы тууралуу мурда тартылган баарлашууну сунуш кылат.