"Азаттыктын" мурдагы видео-оператору. Бүбүсара Бейшеналиева атындагы Кыргыз мамлекеттик маданият жана искусство университетинин телекоммуникация факультетин аяктаган.
Ошто Ак-Буура дарыясынын жээгиндеги корук аймагына жана канал боюна мыйзамсыз салынган курулуштар бузулууда. Мэрия алардын арасында саясатчыларга, мурдагы жетекчилерге таандык жайлар бар экенин билдирүдө.
Орусияда балдары орус тилинен сынактан өтпөгөн мигранттардын үй-бүлөсүн өлкөдөн чыгаруу сунушу талкууланууда. Кыргызстан балдарды онлайн окутуу жолун караштырууда.
Кыргызстандын ТИМи АКШ өкмөтүнүн иммиграциялык эмес визалардын мөөнөтү кыскартуу боюнча чечимин "бир тараптуу жана алдын ала эскертүүсүз кабыл алынды" деп сыпаттады. Расмий Вашингтон мындай чечим президент Трамптын атайын буйругуна ылайык кабыл алынганын белгилеген.
Кыргызстанда акыркы 10 жылдыкта шаарлашуунун агымы кескин күчөдү. Элеттеги шаарды көздөй көчкөндөрдүн көбү баш калаа Бишкекке келүүдө. Борбор калаада ири имараттар, турак жайлар борбордун чок ортосунда эле эмес, тегерек-четинде дагы салынууда.
ХХ кылымдын 20-жылдарында Борбор Азияда кулач жайган басмачылык кыймыл тууралуу бүгүнкү күнгө чейин талаштуу пикирлер бар. Бул кыймыл тууралуу чындыкты канчалык айта алдык? Архив маалыматтар ачыкка чыктыбы?
Ноокаттагы “Сахаба” стадиону жылына бир жолу кудум байыркы Римдеги Колизейге айланып, мында Фергана өрөөнүнүн балбандары күчүн сынашат. Бул күрөш жүздөгөн жылдардан бери өтүп, ушул жерден далай чемпиондордун далысы жерге тийип, далай жаңы ысымдар өрөөнгө таанылган.
Эл арасында “Жоогазын ыңкылабы” деген ат менен белгилүү 2005-жылдагы 24-март окуясына быйыл 20 жыл болду. Аскар Акаевдин бийлигин кулашына алып келген негизги себептер, эгемен Кыргызстандын тарыхындагы алгачкы элдик толкундоонун сабагы тууралуу сөз кылабыз.
“Азаттык” радиосу “Спорт: Кыйынчылыкты жеңген кыраандар” деген сынагына көрсөтүлгөн талапкерлер менен тааныштырууну улантат. Белгилүү улакчы Сейитбек Анарбек уулу былтыр бутунан оор жараат алгандан кийин машыктыруучулукка өттү.
Европа парламентинин Адам укуктары боюнча кичи комитетинин төрагасы Мунир Сатури «Азаттыкка» маек куруп, президент Садыр Жапаров менен жолугушууда көтөргөн маселелер, Кыргызстандагы адам укуктары, саясатчы-журналисттерди камоолор жана башка темалар жөнүндө ой бөлүштү.
Кыргызстан соңку жылдары улуттук көк бөрү оюнун эл аралык аренага алып чыгуу аракетин көрүп келүүдө.
Дүйшеев аталган чыгармада өзүнүн басып өткөн жолун баяндаган. Бирок адабиятчылар ар бир кыргыз “Агындылардан” өзүн табарын айтышат.
Нарын облусундагы Соң-Көлдө кышкысын бир метрден ашык муз тоңуп, ага барчу ашуулар жабылат. Бирок соңку жылдары кышкы Соң-Көлдү көргүсү келген туристтердин саны көбөйүп, алар ат менен эки-үч күн жол жүрүүгө даяр. “Азаттык” алар менен чогуу Соң-Көлгө чейин барып келди.
Садыр Жапаровдун президенттик кызматка киришкенине төрт жыл болду. Кыргыз бийлиги бул маалда өлкөнүн экономика өсүп, ири долбоорлор ишке ашып жатканын белгилейт. Ошол эле учурда сөз эркиндиги, жарандык эркиндик чектелгенин айтып, коңгуро каккандар бар.
Ырчы Аман Эсенбеков “Азаттыктын” студиясында жаңы жылдык ыр белек тартуулады. Жаш талант соңку убактарда “Арзуу”, “Кайыр кош”, “Эсиңдеби?” жана башка белгилүү ырларды аткарып, ыр сүйүүчүлөрүнүн көңүлүн буруп келе жатат. Ал кыргыз сахнасынан ордун таап, эл аралык сынактарда да өзүн сынагысы келет.
2024-жылы депутат Айгүл Айдарованын кесиптешине парламентте таарынычын айтканы, төрага Нурланбек Шакиевдин Гимнди өзгөртүүнү сунуштаганы, Акбөкөн Таштанбековдун жолдун сапаты үчүн мэрге ыраазычылык билдиргени, Марлен Маматалиевдин алтынчы балалуу болгусу келген ниети шакабага айланды.
Жыл башында кармалган мурдагы бажычы Райымбек Матраимов “бейбаштык” менен соттолуп, 200 млн доллар төгүп абактан чыкты.
2024-жыл кыргызстандык журналисттер үчүн оңой болгон жок. Temirov Live редакциясына тиешеси бар 11 журналист камалып, анын төртөө сотто жаза алды. Мындан сөз эркиндигине байланыштуу бир катар сунуштар айтылып, талаштуу мыйзамдар да кабыл алынды. Бийлик өлкөдө сөз эркиндиги бар экенин айтып келет.
“Бишкек сити” эл аралык ишкердик борборун куруу үчүн түзүлгөн мамлекеттик дирекция жоюлуп, бул милдет Бишкек мэриясына жүктөлдү. Ал арада “Нарын” ресторанынын ордуна салына баштаган ошондой эле “Бишкек сити” деген аталыштагы көп тармактуу комплекстин курулушу да кечеңдеди.
Кыргызстандын футбол боюнча улуттук курама командасынын чабуулчусу Кожо Жоэл "Жылдын мыкты футболчусу" аталды. Бишкекте өткөн KFU Football Awards-2024 аттуу иш-чарада Кожо Жоэлден сырткары бир катар футбочулар, машыктыруучулар сыйланды.
Өлкө боюнча 200гө жакын медреседе жүздөгөн бала окуйт. Соңку жылдары кыргыз өкмөтү медреселерди ирээтке келтирүүгө аракет жасап жатканы менен өспүрүмдөр диний билим алган мекемелерде дагы деле маселе арбын. Медреселерде ким кандай билим алат? Аларды ким каржылап, ким көзөмөлдөйт?
Дагы жүктөңүз
