Өзгөчө кырдаалдар министрлиги (ӨКМ) Бишкек шаарында жана Чүй өрөөнүндө катуу шамал күтүлүп жатканын шашылыш эскертти.
Мекеменин маалыматына караганда, 4-октябрда жакынкы бир сааттын ичинде жана күндүз Бишкек шаарында жана Чүй өрөөнүндө батыштан соккон катуу шамал күтүлөт. Шамалдын ылдамдыгы секундасына 15–20 метрге жетиши мүмкүн.
Министрлик калкты тийиштүү чараларды көрүп, сак болууга чакырды.
Кыргызстанда катуу шамалдан үйлөрдүн чатырлары учуп, бак-дарактар кулаган учурлар көп катталган. Июль айында Нарында болгон катуу шамалда "О" уюлдук операторунун радиолейлелик антеннасы кулап, интернет үзгүлтүккө учураган.
Июндун аягында Баткенде катуу шамалдан улам айрым жерлерде бак дарактар сынып, электр чубалгылары үзүлгөн.(ZKo)