23-25-октябрь күндөрү түнкүсүн жана эртең менен Чүй, Талас, Ысык-Көл облустарынын дыйканчылык аймактарында -1…-3°ка чейин, Чүй облусунун түндүгүндө, Талас облусунун Кара-Буура районунда, Ысык-Көл облусунун Түп районунда -3…-5°ка чейин, Ош, Жалал-Абад, Баткен облустарынын тоо этектеринде 0…-2°ка чейин үшүк жүрөт.
Мындай үшүк мөмө жана жашылча-жемиштерге, казылган, жабылбаган картөшкө, кант кызылчасы үчүн коркунучтуу.
21-октябрда түнкүсүн Ысык-Көл облусунун чыгышында жаан жаайт, тоолуу райондорунда карга айланат. Күндүз жаан-чачын жаабайт. Батыштан соккон шамалдын ылдамдыгы секундасына 4-9 метрден, күндүз Ысык-Көл, Нарын облустарынын айрым жерлеринде 15-20 метрге жетет.
Абанын температурасы:
Чүй өрөөнүндө түнкүсүн 1…6, күндүз 12…17;
Талас өрөөнүндө түнкүсүн 1…6, күндүз 12…17;
Баткен, Ош, Жалал-Абад облустарында түнкүсүн 5…10, күндүз 18…23;
Ысык-Көл облусунда түнкүсүн 1…6, күндүз 12…17;
Нарын облусунда түнкүсүн 0…-5, күндүз 11…16.
Бишкекте жаан-чачын жаабайт. Батыштан соккон шамалдын ылдамдыгы секундасына 4-9 метрге жетет. Абанын температурасы түнкүсүн 4…6°, күндүз 15…17° жылуу болот.
