Кыргызстанга жарык өчпөгөн, газ токтотулбаган күн, так айтканда, кыш качан келет? Бул күндөрү улуу-кичүү жарыша талкуулаган тема эле – свет, газ, жылуулук.
18-декабрда өкмөт башчылардын сүйлөшүүлөрүнөн кийин Казакстан Кыргызстанга берчү газдын оозун ачты.
Газ, жарык өчүүлөрдү болтурбай коюу мүмкүн беле? Кычыраган кышта жылуулуксуз, жарыксыз калганы үчүн ким жооп берет? Алдыдагы үч айлык узак кышта дагы үшүп же карайлабайбызбы?
"Азаттыктын" “Ыңгайсыз суроолор” телепрограммасынын бул жолку берүүсүндө ушул суроолорго жооп издедик. Талкууга Жогорку Кенештин “Ата-Журт” фракциясынан депутат Акматбек Келдибеков жана энергетика жана өнөр жай министринин орун басары Райымбек Мамыров катышты.
