"Азаттыктын" Бишкектеги журналисти, "Бүгүн Азаттыкта" жаңылыктар программасынын алып баруучусу.
- Кемпир-Абад ишине байланыштуу камалган Атай Бейшенбекке дагы 3 кылмыш иши козголду. Алар 2020-жылкы октябрь окуяларына байланыштуу экени белгилүү болду.
Төкмө акын Болот Назаровдун иши кыскартылып, эркиндикке чыкты. Ал үч айга чукул камалып отурду. Ондогон медиа уюм "Азаттыкка" каршы доо арызды чакыртып алууну талап кылууда. Согуш башталгандан бери Украинада 12 миңден ашуун орус жараны каза таап, алардын 800ү мобилизациялангандар экени кабарланды.
-Маданият министрлиги "Азаттыктын" ишмердигин токтотуу өтүнүчү менен сотко кайрылды. Коомчулук бийликтин бул аракетин айыптап жатат.
Бишкекте көмүр тартыш, тоннасы 7-8 миң сомдон сатылууда. Ооганстанда катуу сууктан кеминде 70 адам каза болду. Өлкөдө гуманитардык кризис күч алууда. Путинди колдогон казак депутаты Азамат Абилдаевди "Ак жол" партиясы катарынан чыгарып, БШК мандатын алып салды.
Кырызстандын аймактарында жарык өчүрүлүп жатат. Энергетика министрлиги электрге чектөө күн жылыгыча уланарын билдирди. - Украинанын чыгышында катуу кармаш уланууда. Киев Батыштан заманбап курал-жабдык берүүнү тездетүүнү сурады.
Украинанын Бровары шаарында тик учак кулап, кеминде 15 киши мерт болду. Президенттик администрация 5 миң катталуучусу бар блогерди да жалпыга маалымдоо каражатына теңегиси келет. 27-январдан тарта Кыргызстандын, Орусиянын, Беларустун жарандары Казакстанда жарым жыл ичинде 90 күн гана жүрө алат.
- Минскиде Кыргызстандын мурдагы президенти Курманбек Бакиевдин жубайы Назгүл Төлөмүшова каза болду. Анын сөөгү Кыргызстанга жеткирилди. -Днепрде орус ракетасынан набыт болгондор эскерилип жатат. Жыл жаңыргандан берки эң кандуу чабуулда 40тан ашуун киши каза болду.
Казакстандын былтыркы январь айындагы массалык башаламандыкка шек саналгандар арасында "Орусия, Өзбекстан, Кыргызстан жана Тажикстандын жарандары да бар" деген билдирүүсүн Кыргызстан менен Тажикстан четке какты.
Кеминде 238 кишинин өмүрүн алган Казакстандагы Январь окуяларына бир жыл толду.
Өзбекстанда жөтөлгө каршы Индиянын "Док-1 Макс" дарысын ичкен 22 баланын 19у чарчап калды. Бишкекте орус жараны Евгений Романов УКМК кызматкери сабаганын айтып чыкты. Атайын кызмат айыптоону четке какты. Кыргызстандын коммерциялык банктары быйыл буга чейин болуп көрбөгөндөй киреше тапты.
Кыргызстанда мамлекеттик «Керемет Банктын» бир нече жетекчиси жана Улуттук коопсуздук боюнча мамлекеттик комитеттин кызматкерлери кармалды. Башкы прокуратурадан билдиргендей, алар “Алдамчылык”, “Кылмыштуу кирешени мыйзамдаштыруу”, “Документ жасалмалоо” өңдүү кылмыштарга шектелүүдө.
Улуттук статистика комитетинин маалыматында, 2021-жылы кедейчиликте жашаган калктын саны 33 пайыздан ашты. Бул 2 миллион 244 миң киши дегенди билдирет. Арасында кепилденген мамлекеттик жөлөк пулга жетпей жүргөндөр саны арбын. Жөлөк пул алалы десе, түрдүү бюрократиялык тоскоолдуктар көп.
Соңку күндөрү Бишкек дүйнөдөгү абасы булганган шаарлардын сап башына чыкты. Кыргызстанда сасык тумоого кабылган балдар көбөйдү. Иранда элдик толкундоолор башталганы экинчи адам дарга асылды.
Президент Жапаров кыргыз-өзбек чек арасын тактоо жана Кемпир-Абаддын суусун биргелешип башкаруу боюнча мыйзамдарга кол койду. "Бүтүн Кыргызстан" фракциясынын депутаты Исхак Масалиев алтын комиссиясынын төрагалыгынан өз каалоосу менен кетти. Украинада эл энергетикалык кризистен жапа чегип жатат.
1-декабрь Бүткүл Дүйнөлүк СПИДке каршы күрөшүү күнү. "Азаттык" ВИЧ менен жашап келген кыргызстандыктарды маекке тартты. Алардын бири - Тимур. Ал өзүнүн ВИЧ статусу тууралуу биринчи жолу ачык айтып чыкты. ВИЧти жугузуп алган дагы бир каарманыбыз Элнураны жолдошу таштап кеткен.
Эки күндөн кийин Катарда Футбол боюнча дүйнө чемпионаты башталат. Дүйнө чемпионатында алгачкы жолу аял-реферилер калыстык милдет аткарат.
Бир ай мурда аскерге кеткен 18 жаштагы Айжигит Таалайбек уулу каза болуп, сөөгү үйүнө жеткирилди. Бишкек шаардык сотунда бир катар саясатчы, коомдук ишмерлердин бөгөт чаралары каралып, камакта калтырылды. Орус аскерлеринин Херсондон чыгып кетүү чечими эл аралык талкуунун чордонунда.
Шаардык сот Кемпир-Абад иши боюнча кармоолорду мыйзамдуу деп таап, бир катар активист, саясатчы, укук-коргоочуларды камакта калтырды. Украинанын чыгышында айыгышкан салгылаш уланууда. Биринчи каар жаап, көмүр издегендердин саны арбын. Кезек күткөндөр да аз эмес.
Кемпир-Абад ишине байланыштуу кармалгандардын тагдыры, суу сактагычтын айланасындагы абалга депутаттардын пикири кандай? "Азаттык" Жогорку Кеңештин эл өкүлдөрүнүн ой пикирин билүү үчүн аларга микрофон сунду.
Дагы жүктөңүз
