"Азаттыктын" Бишкектеги кеңсесинин журналисти. 2009-жылы Internews уюмунун "Жылдын мыкты радио журналисти" наамын алган.
Экс-президент Алмазбек Атамбаевдин аппарат башчысы болгон Фарид Ниязов, атайын кызматтын мурдагы төрагасы Бусурманкул Табалдиев менен Жарандык маселелер комиссиясынын мурдагы катчысы Эрнис Апилов кыргыз паспортун Орхан Инанды баштаган теги түркиялык он адамга "мыйзамсыз берүү" ишинде акталды.
Кыргыз бийлиги эл аралык коомчулукту Газадагы согушту токтотууга көмөктөшүүгө чакырды. Министрлер кабинетинин төрагасынын орун басары Эдил Байсалов АКШ Израилдин "башкы демөөрчүсү" деп атап, Вашингтон биринчи кезекте аракет кылышы керектигин белгиледи.
Кыргызстандагы ири маалымат агенттиктеринин бири - 24.kg агенттигинин кожоюну алмашты. Юстиция министрлигинин сайтындагы жаңыланган маалыматка ылайык, агенттиктин ээси жана жетекчиси Алмас Турдумаматов болуп калды.
Кыргызстандын энергетика министри Таалайбек Ибраевдин майнинг компаниялар керектеген электр энергия тууралуу билдирүүсү талкуу жаратты. Ал Кыргызстандагы жалгыз майнинг компания токту Казакстандан өзү түз алып жатканын айткан. Казакстандын Энергетика министрлиги муну четке какты.
Жогорку Кеңештин депутаттары Шайлообек Атазов менен Айбек Осмонов акы төлөнбөгөн эмгек өргүүгө чыкты. Экөө тең чет өлкөлөрдө саламаттыгын чыңдап жүрүшкөнүн билдиришти.
Юстиция министрлиги 300гө жакын адвокатты лицензиядан ажыратуу маселесин карап жатат. Мекеме алардын көбү "жактоочулук иш менен жарытылуу алектенбегендер" деп билдирди.
Улуттук коопсуздук комитети Бишкектеги "Беш-Сары" соода жайынын ээси, экс-депутат Камчыбек Жолдошбаев салык төлөөдөн качуу, кош бухгалтердик эсеп-кысап жүргүзүү фактысына шек саналып кармалганын билдирди.
Ички иштер министрлиги (ИИМ) камакка алынган журналисттерди суракка ала баштады. Мунун алдында учурда тергөө абагында отурган кабарчы Сайпидин Султаналиев тергөөчүлөр аны бир айдан ашык суракка чакырбаганын билдирген.
Айыл чарба министрлиги Ысык-Көл облусунда картөшкө айдоону азайтып, кызылча эгүүгө басым жасаларын билдирди. Айрым адистер бул көл кылаасынын экологиясына кесепетин тийгизерин эскертүүдө.
Президент Садыр Жапаров АКШнын мамлекеттик катчысы Энтони Блинкендин тынчсызданган катына жооп кайтарды. Анда Вашингтондун Кыргызстандагы коммерциялык эмес уюмдар тууралуу мыйзам долбооруна байланыштуу катында "өлкөнүн ички ишине кийлигишүүнүн белгилери бар" деп белгиленген.
Февраль айына карата Бишкек жылуулук электр борборуна (ЖЭБ) кыштан чыгууга керектүү көмүрдүн 60%дан ашыгы алынган. Аталган мекеменин адистери бул муктаждыкты жабууга жетерин билдирип жатат.
Мамлекеттик ипотекалык компания (МИК) катышууну каалагандарга үлүштүк турак жай курулуш программасынын шартын жарыялады. Анын негизинде мигрант болуп жүргөн кыргызстандыктар дагы арзан ипотекага үй алса болорун билдирди. Азырынча өкмөт бул программаны жүзөгө ашыруу жол-жобосун толук иштеп чыга элек.
Бишкек жылуулук борборундагы (ЖЭБ) кырсыкка байланыштуу айрым жетекчилердин жоопкерчилиги тууралуу маселе көтөрүлдү.
Борбордук шайлоо комиссиясы (БШК) 2-февралда Жогорку Кеңештеги "Альянс" фракциясынан шайланган депутат Эмил Жамгырчиевдин мандатын мөөнөтүнөн мурда токтотту. Ушул эле жыйында Элдар Абакиров менен Айсулуу Мамашова аталган фракциянын өкүлдөрү катары мандат алышты.
Коргоо министрлиги Абадан коргонуу күчтөрүндөгү коррупция тууралуу маалымат, дооматтарды четке какты.
Жогорку Кеңеш 31-январда "Керемет банкты" (мурдагы "Росинбанк") Улуттук банктан Министрлер кабинетине сатуу жөнүндөгү мыйзам долбоорун биринчи окууда колдоду.
Министрлер кабинетинин төрагасынын орун басары Эдил Байсаловдун журналисттердин камалышы боюнча пикири талкуу жаратты. Өкмөт өкүлү 29-январда "Азаттыктын" "Эксперттер талдайт" талкуусунда ушул айдын башында камалган 11 журналистти бийлик "тарбиялоо" үчүн камаганын айткан.
Улуттук коопсуздук комитетинин (УКМК) төрагасы Камчыбек Ташиев Оштогу ири Кара-Суу базары толугу менен мамлекетке өтөрүн билдирди. Ал 27-январда Ошко барганда базар турган жерге соода борборлору куруларын айтты.
Министрлер кабинетинин төрагасы Акылбек Жапаров Кызыл-Омпол кенинде 300 млрд долларга жакын байлык жатканын, урандан башка дагы сейрек кездешкен металлдар бардыгын билдирди. Ал учурда илимпоздор бул кендин техникалык-экономикалык негиздемесин даярдап жатканын айтты.
Дагы жүктөңүз
