Бүгүн Кыргызстандын эгемендигинин 32 жылдыгы белгиленип жатат. Бул ирет негизги майрамдык салтанат Ош шаарында өттү. Запорожьеде айыгышкан салгылаш уланууда. Москва аннексияланган Крымда украин ракетасын атып түшүргөнүн айтса, Киев баш калаага багытталган чабуулдун мизи кайтарылганын маалымдады. Жогорку Сот Украинадагы согушка катышкан деген айып менен соттолгон Аскар Кубанычбек уулунун ишин кайра кароого жөнөттү. Буга чейинки инстанцияда ал 10 жылга кесилген.
Борбор Азия
бейшемби 31 Август 2023
Украинанын армиясы Бахмут жана Мелитополь багытында чабуулду улантууда. Запорожье облусунда украин аскерлери турумун бекемдей баштаганы маалымдалды. Ал эми Москва аннексияланган Крымда украин ракетасын атып түшүргөнүн айтса, Киев бейшембиге караган түнү баш калаага багытталган чабуулдун мизи кайтарылганын билдирди. Ал тапта украин өкмөтү согуш шартында да билим берүүнү токтотпош үчүн окуучуларга метро-станцияларда класстарды ачып жатат.
