Күйөөсүнүн колунан каза болгон Айзирек Эралиеванын аброюна шек келтирген блогер Айбек Уланов Бишкектин Свердлов райондук сотунун чечими менен бир айга камакка алынды. Буга чейин коомчулук, активисттер анын мыйзам алдында жоопко тартылуусун талап кылышкан.
Күйөөсүнүн колунан каза болгон Айзиректин аброюна шек келтирген блогер, активист Айбек Уланов кармалды. Коомчулук маркум келинди мазактаган блогердин жоопко тартылышын талап кылууда.
“Кайратмандыгы жана позитивдүү көз карашы менен бардык кыйынчылыкты жеңип, башкаларга шык берет”. Бишкекте өзгөчө балдардын ата-энелери Аман Темирлановду дал ушинтип сыпатташат. Өзү церебралдык шал оорусунан жабыркаган бул жигит борбор калаада балдарды укалаган физиотерапевт дарыгер болуп иштейт.
26-майда Ош облусунун Кара-Кулжа районунда беш балалуу келиндин мыкаачылык менен өлтүрүлүшү аялдар кабылган зомбулук темасын кайра козгоду. 38 жаштагы келиндин өлүмүнө шек саналып күйөөсү камалды. Кыргызстан мусулмандар дин башкармалыгы эркектерге кайрылып, аялдарды коргоого үндөдү.
26-майда Кара-Кулжа районунда беш балалуу келиндин мыкаачылык менен өлтүрүлүшү кыргыз коомундагы аялдарга карата зомбулук темасын кайра козгоду. Күйөөсү жубайын өлтүрүүгө шектелип кармалды. Кыргызстан мусулмандар дин башкармалыгы билдирүү таратты.
Төрт жыл мурда ооруканада дарыланган наристеге ВИЧ инфекциясы жуккан болушу мүмкүн деген маалымат парламентте көтөрүлдү. Саламаттык сактоо министрлиги түзгөн атайын комиссия 600дөн ашык кишини текшерген, бирок инфекциянын булагы алигиче аныктала элек.
26-май күнү Өзгөн районунун Алга айылындагы бүтүрүүчүлөрдүн 20 жылдык кечесинен кийин келин мыкаачылык менен өлтүрүлгөн окуя болду. Алдын ала айтылгандай, кылмышка кызганыч себеп болгон. Күйөөсү жубайын өлтүрүүгө шектелип кармалды. Маркум келиндин артында жашы жете элек беш баласы калды.
Бишкекте Чыңгыз Айтматов проспектисинин боюндагы "кызыл чектен" ашып кеткен делген үйлөрдүн дубалдарын сүрдүрүү тирешке айланып, жергиликтүү тургундар мэрияны сотко берүүгө ниеттенүүдө. Мэр Айбек Жунушалиев бардык иштер мыйзамга жана шаардын башкы планына ылайык жүрүп жатканын билдирди.
Бишкектеги Чыңгыз Айтматов көчөсүндө "кызыл чектен" чыгып кеткен делген үй ээлери сотко даттанышат. Алар мэриянын 26-майдагы чечимин "мыйзамсыз" деп эсептеп, "Жер кодексине" каршы келерин айтышат. Мэр Айбек Жунушалиев бардык иш мыйзамга жана шаардын башкы планына ылайык жүрүп жатканын билдирди.
Мамлекеттик ипотекалык программада мугалимдер жана дарыгерлер үчүн өзүнчө тизме зарылбы? Жогорку Кеңеште айрым депутаттар 50% дароо төлөп ипотекадан батир алып жаткандардын айынан бул кызматкерлерге кезек тийбей, батир алууда кыйналып жатканын айтып чыкты.
Кыргыз-тажик чек арасы расмий ачылганы эки айдан ашса да чек арадагы базарларда соода солгун. Тажикстандын Исфара шаарындагы “Чоркух” базарында мурункудай Кыргызстандан барган кардар байкалбайт. Чек аранын бул тарабындагы “Арка” базарына деле коңшулар сейрек каттайт.
Дагы жүктөңүз
