28-августта Прага шаарында Кыргызстандын эгемендигинин 30 жылдыгына арналган иш-чара өттү. “Ала-Тоо” уюму уюштурган бул майрамга Чехиядан тышкары Германия, Венгрия, Австрия сыяктуу Европанын башка өлкөлөрүндөгү кыргызстандыктар да катышты. Иш-чаранын алкагында “Ала-Тоо” кубогу үчүн футбол мелдеши өткөрүлүп, аны Прагадагы кыргызстандыктардын командасы жеңип алды.