22-ноябрда Бишкекте «Аскерий-саясий кызматташтыкты жаңылоо: коопсуздуктун жаңы технологиялары» аттуу регионалдык конференция өттү. Конференцияны Түндүк Атлантикалык Альянс менен кызматташтык чегиндеги долбоорго ылайык Глобалдаштыруу проблемасын изилдөө борбору менен Президенттин алдындагы эл аралык стратегиялык изилдөө борбору уюштурду. Ага Борбор Азия мамлекеттеринин Кыргызстандагы элчиликтеринин өкүлдөрү, НАТОнун регионалдык өкүлү, окумуштуулар, саясат таануучулар, коомдук ишмерлер катышты. Конференцияда талкуунун негизин аскерий-саясий кырдаалдарга жарандык көзөмөл, аймактык, мамлекеттик коопсуздукту сактоонун жаңы технологиялары түздү.
