Эл аралык “Хюман райтс уотч” уюму Кошмо Штаттарды түрмөдө жаткан “алькаидачылардын” шарт-шараятын текшерип чыгууга чакырды. Президент Жорж Бушка жолдогон катында укук коргоочулар террорист деп шектелип, өзгөчө режимдеги түрмөлөрдө жашыруун кармалып жаткан туткундар жөнүндө маселе коюшкан. ”Вашингтон пост” гезити кечээ америкалык атайын кызматтардын өкүлдөрүнө таянып, абактагы “алькаидачыларга” дастания жүргүзүүнүн заманбап ыкмаларын колдонуу менен катуу кысым жасалып жаткандыгын кабарлаган эле.
