БИШКЕК. 1-январдан тарта кыргыз тилинин жаңы жазуу эрежелери жөнүндөгү мыйзам күчүнө кирди. Президенттин алдындагы мамлекеттик тилди өнүктүрүү боюнча улуттук комиссиянын төрагасынын орун басары Казат Акматовдун жана академик Бүбүйна Орузбаеванын пикиринде, жаңы эреже киргизүү зарылдыгын коомдогу өзгөрүүлөр шарттады. Жаңы эрежелерге ылайык, башка тилдерден кирген сөздөр кандай угулса ошондой жазуу, татаал жана кошмок сөздөрдү бирге жазуу талаптары киргизилди. Мында негизинен жер-суу аттарын жазуу өзгөртүлөт. Маселен Жалалабад мурдагыдай бөлүнүп эмес, бирге жазылат.
