Тышкы иштер министрлигинен 8-январда ырасташкандай, Бишкек менен Токионун ортосундагы дипломатиялык мамилелерди 1996-жылдан бери Жапониянын Казакстандагы,ага чейин Москвадагы элчилиги жүргүзүп келген. 2003-жылдан тарта япон элчилиги эми Бишкектин өзүндө ачылмакчы. Эки өлкө ортосундагы дипломатиялык кызматташтык 1992-жылдын 26-январында түзүлгөн. Өткөн он жылдай аралыкта Жапония Кыргызстанга 300 млн. доллар кредит жана грант түрүндөгү жардамдарды берди. Өткөн жылы Кыргызстандын Жапонияга чыгарган экспортунун өлчөмү 700 миң, ал эми импортунун өлчөмү 990 миң долларды түздү.
