Райондук борбордун 1500 тургуну 14-январда президент Аскар Акаев менен премьер-министр Николай Танаевге жолдогон кайрылууда бул маселе боюнча 1996-жылдан бери жергиликтүү жана республикалык тиешелүү уюмдарга даттанып,ак мокошконун айтышкан. Бирок алардын маселеси алиге чейин чечиле элек. Кайрылууга кол койгон айрым тургундар пенсияга чыкканга чейин райондун колхоздорунда эмгектенишкенин эске салып, «жер үлүшү берилбегендиктен алардын материалдык гана эмес, моралдык укуктары да басмырланып жаткандыгын» билдиришкен.
