Кайрылууда референдумга катышуунун тартиби, добуш берүүчүлөрдүн укуктары жана милдеттери жөнүндө түшүндүрмөлөр берилди. Добуш берүү,кайрылууда айтылгандай, мурдагы шайлоо участокторунун базасында адаттагыдай эле мектептерде, клубдарда жана административдик башка имараттарда өтөт. Шайлоочулар добуш бергени өзүн күбөлөндүргөн документ менен, чакыруу баракчасында көрсөтүлгөн дарек боюнча келүүгө тийиш. Референдумда шайлоочулар эки башка бюллетень менен добуш беришет, атап айтканда, «Конституциянын жаңы редакциясы жөнүндөгү мыйзам кабыл алынсын» жана «Конституциялык өзгөрүүлөрдү турмушка ашыруу үчүн Аскар Акаев президент болуп 2005-жылдын декабрына (конституциялык мөөнөтү бүткөнгө чейин) калсын» деген суроолорго «бар» же «жок» деп жооп бериши керек. Добуш берүү эртең мененки саат алтыда башталып, кечки саат сегизге чейин уланат.
Борбордук шайлоо комиссиясы алдыдагы референдумдун жол-жобосун түшүндүрүп, калкка кайрылды
