Сапар Ыклымов ачкачылык акциясын Стокгольмда өткөрүүдө. Ал ачкачылык жарыялоо менен Түркмөнстандагы адам укугун бузууларга эл аралык коомчулуктун көңүлүн бурдургусу келет. Анын айтымында, Түркмөнстанда адам укуктары жаатындагы абал -Түндүк Корея менен Ирактагыдан да жаман. Сапар Ыклымовду түркмөн бийликтери президент Сапармурад Ниязовго кол салуу аракетин уюштургандыгы үчүн айыптоодо. Ал кезинде Түркмөнстандын айыл чарба министринин орун басары болуп иштеген. 1997-жылдан бери Швецияда жашайт.