БИШКЕК. Бүгүн Бишкекте Тышкы инвестициялар боюнча консультативдик кеңештин жыйыны болду. Ага президент Аскар Акаев, вице-премьер-министр Жоомарт Оторбаев, АКШнын Кыргызстандагы элчиси Жон О Киф, Европа Банкынын Кыргызстандагы туруктуу өкүлү Фернан Пионель катышты. Жыйында тышкы инвестицияларды тартуу боюнча үчүнчү матрицанын аткарылышы, көмүскө экономиканы ачыкка чыгаруу, инвестициялык абалды жакшыртуу маселелери каралды. Андан тышкары Рим Декларациясынын талабына ылайык донор-мамлекеттердин Кыргызстандагы ишмердүүлүгүн эми мындан ары өкмөт өзү координациялай тургандыгы жарыяланды.
