Бириккен Улуттардын Коопсуздук Кеңешине мүчө өлкөлөрдүн тышкы иштер министрлери 19-март күнү кечинде Нью-Йорк шаарында чогулуп, эл аралык инспекторлордун башчысы Ханс Бликстин Ирак боюнча билдирүүсүн угат. Ал билдирүүдө Бликс - куралсызданганын далилдеш үчүн, Ирак эмне жасаш керек экендигин айтат. Коопсуздук Кеңешинин жыйыны - АКШ Иракка ультиматум коюп, ага каршы согуш даярдап жатканына карабай өтүүдө, бирок АКШ, Улуу Британия жана кээ бир башка өлкөлөрдүн министрлери жыйынга келбей тургандыгы жөнүндө билдирди.
Эл аралык текшерүүчүлөрдүн башчысы бүгүн Бириккен Улуттардын Коопсуздук Кеңешинде чыгып сүйлөйт
