МААЛЫМАТ КАРАЖАТТАРЫ КОРРУПЦИЯГА КАРШЫ КҮРӨШКӨ ОГОЖО БОЛО АЛАБЫ?

«Азаттык» радиосунун бүгүнкү «Тегерек стол» айланасындагы маеги «Коррупцияга каршы күрөштө массалык маалымат каражаттарынын ролу жана орду» деген темага арналат. Маекке президенттик администрациянын коопсуздук жана коргонуу бөлүмүнүн башчысы, коррупцияга каршы күрөшүү үчүн мамлекетти ак ниет башкаруу боюнча кеңеш төрагасынын орун басары Болот Жанузаков, Жогорку Кеңештин мыйзам чыгаруу жыйынынын депутаты Орозбек Дүйшеев жана эркин «Республика» гезитинин башкы редактору Замира Сыдыкова катышат.