БИШКЕК. «Сорос» фондун негиздеген белгилүү финансист Жорж Сорос июнь айынын башында Кыргызстанга иш сапары менен келет. Мындай кабар бүгүн «Сорос-Кыргызстан» фондунан келип түштү. Андан алынган маалыматка караганда, Жорж Сорос Кыргызстандагы фонддун иши менен таанышып, мындан аркы долбоорлорунун багытын тактайт. Иш сапарынын учурунда ал президент Аскар Акаев жана өкмөт мүчөлөрү менен жолугушаары болжолдонууда.
