Жапониялык ишкерлер Кыргызстанга кызыкдар

БИШКЕК. Жапониялык ишкерлер Кыргызстанда бизнес жүргүзүүгө кызыкдар. Жапон ишкерлери өлкөдөгү туризм, айыл-чарба тармактарына көңүл бурушууда.
Бул тууралуу бейшембиде «Кабар» агенттигиндеги маалымат жыйынында Жапониянын Кыргызстандагы элчиси Ватанабэ Сюсуке жана Кыргызстандын тышкы иштер министрлигинин Жапониянын кызматташтык агенттигинин эксперти Такехара Катсухико билдиришти. Жыйында тышкы соода жана өнөр жай министрлигинин веб-сайтынын бет ачаары да болду. Веб-сайт орус, англис жана жапон тилинде ачылган. Анда Кыргызстандын географиялык, саясий-экономикалык абалы, өлкөдө инвесторлор үчүн түзүлгөн шарттар, КМШ өлкөлөрүндөгү жаңылыктар жана башка мааламыттар орун алат.