ДЕМОКРАТИЯЛЫК КОДЕКС: МАКУЛ, КАРШЫ, КАЛЫС

Президент А.Акаев «Кыргызстан адам укугун барктаган өлкө» деп жарыялагандан бери республикада абийирдүү башкаруучулардын улуттук кеүеши, демократиялык коопсуздук коомдук кеңеши баш болгон биртоп уюмдар түзүлдү. Жаңы уюшмалар бийлик менен элдин ортосун жакындаштырып, кеңеш берүү укугуна ээ. Кыргызстандын демократиялык коопсуздугу коомдук кеңеши Демократия кодексин (Коомдук келишимдин) долбоорун жарыя кылды. «Азаттыктын» «тегерек үстөл» үстүндөгү аңгеме-дүкөнү жаңы кодекстин айланасында болмокчу. Аңгемени Бекташ Шамшиев уюштурган.