БИШКЕК . «Бител» компаниясынын имаратындагы бейшембиде чыккан өрт «SAIMA NET» телекоммуникация компаниясына 60 миң АКШ долларлык чыгым алып келди, деп билдирди 8-августта компаниянын генералдык директору Бактыбек Рахимов «АКИ-пресс» маалымат агенттигинде. Анын айтымында, эларалык сандык телефон жана Интернет байланышын камсыз кылган «SAIMA NET» телекоммуникация компаниясы 6 жылдан бери «Ареопаг Бишкек», «Манас» аэропорту, «Кумтөр оперейтинг компани» жана башка көптөгөн компаниялар менен кызматташып келген. «БИТЕЛ» компаниясынын имаратында эки жылдан бери ижарада турушкан. Өрттүн кесепетинен алар ээлеген бөлмөлөр, айрым техникалык жабдыктар керектен чыккан.
