Баткенде маданият кызматкерлери жыл башынан берки айлыктарын алышты

БАТКЕН. Лейлек районундагы маданият кызматкерлери май айына чейинки, Кадамжай, Баткен райондорунда жана Сүлүктү шаарында ушул тармакта эмгектенгендер март айына чейинки эмгек акыларын алышты. Бул маалымат бүгүн облустук маданият башкармалыгынан алынды. Жогоруда аттары аталган райондор менен шаарлардагы жергиликтүү бюджеттен каржыланган маданият кызматкерлерине жыл башынан бери эмгек акы төлөнбөй келген. Облустагы райондор менен шаарлардын ичинен Кызылкыя шаары гана маданият кызматкерлерин маяна менен убагында камсыз кылып келет.

Кабарлар топтомун Бишкектен даярдагандар – Азиза Турдуева жана Аманбек Жапаров

Редактор – Жыргалбек Касаболотов