НЬЮ ДЕЛИ. Индиянын полициясы Нью Делиде даярдалып жаткан террактты алдын алды.Полиция Нью Делинин темир жол вокзалынан 20 килограмм жардыргыч зат таап алып, аны коопсуздандырды. Полициянын өкүлү жардыгыч зат салынган кап полиция кароолу кишилер жык толгон вокзалды кыдырып жүргөн чакта табылганын айтат. Дүйшөмбүдө Бомбейде болгон террордук чабуулдан кийин Индиянын баш калаасы менен ири шаарларында полиция жогорку даярдыкка келтирилди. Бомбейде эки жеңил машинеге орнотулган бомбалардын жарылуусунан 52 киши курман болгон.
