Ири масштабдагы бул рейддин маалында негизинен “Хамас” уюмунун активисттери бутага алынат. Бул тууралуу бүгүн Израилдин коргоо министри Шаул Мофаз билдирди. Министр региондогу тынчтык процессине кедерги келтирип жатканы үчүн Ясир Арафатты айыптап, аны палестин аймагынан чыгарып жиберүүнү сунуш кылды. Кечээ Израилдин согуш авиациясы Газа шаарынын четиндеги автомашинаны аткылап, “Хамас” уюмунун бир лидерин өлтүрүп, дагы 20дай кишини жарадар кылган эле.
