Чеченстанда бүгүн шайлоо өнөктүгү расми түрдө башталды. Президенттик шайлоо 5-октябрга белгиленген жана бардыгы болуп он талапкер катталган. Алардын негизгилери - Маскөө тарабынан түзүлгөн чечен администрациясынын башчысы Ахмад Кадыров, бизнесмен Малик Сайдуллаев жана Орусиянын Мамлекеттик думасынын депутаты Асланбек Аслаханов. Аслан Масхадов 1997-жылы беш жылдык мөөнөткө шайланган, анын президенттик мөөнөтү былтыр аяктады, бирок 1999-жылы экинчи согуш баштаган Маскөө Масхадовду президент катары тааныбайт.