“ДИДАРЛАШ” ТАЛКУУСУНУН БЕТ АЧАРЫ: УЛАНДАР КЫРГЫЗ АРМИЯСЫНА БАРУУГА КАНЧАЛЫК ЫНТЫЗАР?

Чолпон Орозобекова, Бишкек "Азаттык" үналгысы "Дидарлаш" аттуу ток-шоу жанрындагы жаңы берүүнү баштайт. Кыргыз уландары аскер кызматын самайбы? Алар жогорку окуу жайга кирээрден мурда аскердик милдетин өтөгөнгө макулбу? Эмесе, "Дидарлаш" берүүсүн угуңуздар. Анын туңгуч чыгарылышы аскер жашына бир жыл калган бишкектик уландар, кезегинде Ооганстанда кызмат өтөгөн полковник Жолой Чынтемиров жана Жогорку Кеңештин Мыйзам чыгаруу жыйынынын депутаты, "Атамекен" партиясынын жетекчиси Өмүрбек Текебаевдин катышуусу менен уюштурулду.