78 жаштагы А.Изетбегович өткөн айдан бери ооруканда эле. Өз үйүнөн үч кабыргасын сындырып алып, ооруканага түшкөн. А.Изетбеговичтин кийинчерээк жүрөк оорусу да козголгону кабарланган. Боснияны 1990-жылдан баштап жетектеген мусулман А.Изетбегович 1992-95-жылкы согушта чечүүчү роль ойногондордун бири. Сербдер менен болгон согуштун аякташына алып келген Дейтон тынчтык келишимине кол койгон. Саясаттан ден-соолугуна байланыштуу 2000-жылы четтеген эле.