БИШКЕК. Бүгүн Кыргызстанда Жаштар күнү белгиленди. Бул майрам менен жаштарды президент Аскар Акаев маалымат каражаттары аркылуу куттуктады. Куттуктоо катында президент азыркы жаштар мурунку муун түзүп кеткен бардык жакшы нерселерди улап кетээрине ишенгендигин билдирди. Андан тышкары, Атамекенди бекем сүйүп, өнүккөн жана демократиялуу мамлекетти куруу жаштардын башкы милдети экендигин мамлекет башчысы баса белгиледи. Ушул эле күнү илим, маданият, искусство жана башка тармактар боюнча жаштар арасындагы сыйлыктар татыктууларга ыйгарылды.
