БИШКЕК. Бүгүн Тажикстандын борбору Дүйшөмбү шаарында Жамааттык Коопсуздук Келишим Уюмуна (ЖККУ) кирген мамлекеттердин коопсуздук кеңеш катчыларынын 7-жыйыны башталды. Ага Кыргызстандын Коопсуздук кеңешинин катчысы Мисир Ашыркулов катышууда. Жыйында террорчулукка, диний экстремизмге, мыйзамсыз миграцияга жана уюшкан кылмыштуулукка каршы күрөшүүгө шарт түзүүчү мыйзамдарды жакындаштыруу маселелери талкууланат. Жамааттык Коопсуздук Келишим Уюмуна Армения, Беларус, Тажикстан, Казакстан, Кыргызстан жана Орусия мүчө.
