Палестин тараптын маалыматына караганда, окуя Наблус шаарындагы качкындар лагеринде болду. Өз үйүнүн жанында ойноп жаткан жаш балага жөөт аскерлери аларды таш менен урган палестиндерди көздөй чыгарган ок тийген. Израилдин аскерлери Иордандын Батыш жээгинен бүгүн "Хамас" уюмунун жергиликтүү бөлүмүнүн лидерлеринин бирин камакка алган эле. Мунун аралыгында, палестин жана жөөт өкүлдөрү премьер-министрлер Ариэл Шарон менен Ахмед Корейинин жакында өтүшү мүмкүн болгон саммитине даярдык көрүү максатында жолугушту. Саммитте тынчтык жараянын калыбына келтирүү маселеси талкууланышы керек.
