Америка Кошмо Штаттарынын биргелешкен аскерий ордосунун башчысы генерал Ричард Майерс бүгүн кызмат сапары менен Бээжинге келди. Кытайдын коргоо министри Чао Гангчуан, аскерий ордонун башчысы Лиаң Гуаңли жана тышкы иштер министри Ли Чжаосин менен америкалык генерал аскерий кызматташуу маселелерин талкуулайт. Кытайдын "Синьхуа" маалымат агенттигинин айтымында, аны төрага Ху Цзинтао да кабыл алышы мүмкүн.
