Ирандагы Ислам револциясынын сакчылар кеңеши келерки парламенттик шайлоого катышууга тыюу салган 3 миң реформатор-талапкерлердин эки жүзүнө шайлоого катышууга уруксат берди. Сакчылар кеңешинин интернет-сайтында чыккан маалыматка караганда, Ирандын диний лидери аятолла Али Хаменейинин талабы менен бул маселе кайра каралгандан кийин мына ушундай чечим кабыл алынып, талапкерлердин тизмесин кайра карап чыгуу уланууда. Реформатор-талапкерлер бул чечимге карата өз пикирлерин билдирише элек.