Курамына согуштук инженерлер, 8 офицер, 3 котормочу кирген бардыгы 27 казак аскеринен турган топ Ирактын түштүк бөлүгүндөгү Польша жетектеген эл аралык күчтөрдүн катарында кызмат өтөштү. Алар жарым жыл аралыгында ошол аймакты миналардан тазалоо, таза суу менен камсыздоо иштерине катышышты. Казакстандын коргоо министрлиги аларды алмаштыра турган 12 аскерден турган жаңы топ Иракка барып калганын, калганы келерки айда жөнөтүлөрүн кабарлады.
