Түштүк Корея парламенти бүгүн Иракка аскер жиберүүгө макул болду. Иракта азыр беш жүзгө жакын түштүк кореялык медик менен инженер иштейт жана аларга эми апрелде үч миңге жакын аскер кошулушу мүмкүн. Андай болгондо, Түштүк Корея - АКШ менен Улуу Британиядан кийинки Иракка эң көп аскер жиберген өлкөгө айланат. Багдад шаарынын батышында бүгүн эртең менен бомба жарылып, бир америкалык аскер курман болду жана дагы экөө жараат алды.
