Доналд Рамсфелд казак премьер-министри Даниал Ахметов жана башка ырасмий өкүлдөр менен жолугушуп, коопсуздук жана аскери маселелерди талкуулады. Астанадагы маалымат жыйынында Рамсфелд Кошмо Штаттары Казакстандын көз карандысыздыгын колдой тургандыгын белгилеп, сүйлөшүүлөр учурунда ушул тема жана тараптардын аскери кызматташтыгына тийиштүү маселелер талкууланганын билдирди. Пентагондун башчысы кечээ Өзбекстанда болгон эле, эртең ал Ооганстанга барат.
