БИШКЕК. Быйыл Кыргызстанда 664 миң гектер жерге үрөн себилет. Бул - 2003-жылга караганда 63 миң гектарга көбүрөөк. Учурда жер-жерлерде дыйкан чарбаларын үрөн менен камсыз кылуу маселеси чечилди. Дүйнөлүк банк тарабынан бөлүнгөн каражаттардын эсебинен учурда 1 млн. долларга үрөн сатылып алынды. Бирок жазгы талаа иштерин жүргүзүүгө айыл чарба техникасы жетишсиз. Бул тууралуу бүгүн өлкөнүн айыл, суу чарба жана кайра иштетүү өнөр жай министри Александр Костюк «Кабар» агенттигинде маалымдады. Министрдин айтымында, март айында Бишкекте айыл чарба техникасынын көргөзмө-жарманкеси уюштурулат. Ал эми Орусия Федерациясынын Москва облусунан 30 миң тоннага жакын жер семирткич алынып келиниши күтүлүүдө.
