АКШнын президенти Ж.Буш телефон аркылуу Орусиянын президенти В.Путин менен байланышып, жаңы орус өкмөтү реформачыл багытты тандаарына ишеничин билдирди. Вашингтондун басма сөз өкүлү Клэр Бучан маалымдагандай, Буш менен Путин андан сырткары Иракта Бириккен улуттар уюмунун ролун күчөтүп, 30-июнга чейин бийликти ирактыктарга өткөрүп берүү тууралуу көз караштарын ортого салышты. АКШ президенти Вашингтонго сапарлап барган Грузиянын лидери Михаил Саакашвилини жигердүү реформатор саясатчы деп атады.
