Европа Биримдигинин санкциялар боюнча атайын өкүлү Дэвид О'Салливан Бишкекке келди. 26-февралда ал "Азаттыкка" маек курду. Украинадагы согуштун төрт жылдыгына карата Еврошаркет санкциялардын 20-пакетинин алкагында Кыргызстанга да чара көрүүнү карап жатканы ачыкка чыккан.
АКШнын президенти Дональд Трамп 24-февралдын кечинде (Кыргызстанда 25-февраль) Конгресске кайрылуу жасады. Өз рекордун жаңыртып, дээрлик бир саат 50 мүнөт сүйлөгөн Трамп ички көйгөйлөргө токтолду жана Иран, Украина, глобалдык коопсуздук маселелерине токтолду.
Украинадагы согушка төрт жыл болду. Украиндердин “Хочу жить” долбоору 800дөн ашык кыргызстандык жалданып барып, анын 180дейи набыт болгонун белгилейт. Интернетке чыккан чуулгандуу аудиодон кийин айыл чарба министри Бакыт Төрөбаев, саламаттык сактоо министри Каныбек Досмамбетов иштен алынды.
Украинадагы согуштун төрт жылдыгы Бишкекте Киевди колдоо акциялары менен коштолду. Кыргыз бийлиги Орусия Украинага басып кирип, согуш ачкандан бери бейтарап турумду карманарын билдирген.
Украинадагы согуштун төрт жылдыгы Бишкекте Киевди колдоо акциялары менен коштолду. Кыргыз бийлиги бул согушта бейтарап турумду карманарын билдирип келет. Санкциялардан буйтоо аракеттеринен улам Батыш өлкөлөрү кыргызстандык компанияларды "кара тизмеге" алууда. Ондогон кыргыз жараны согушта жүрөт.
Орусия Украинага кеңири масштабдагы согуш ачканына туура төрт жыл болду. Бул Экинчи дүйнөлүк согуштан бери Европадагы эң ири куралдуу жаңжал болуп калды.
Мексикада улуттук армиянын аскерлери ири наркокартелдин анабашы Эл Менчо деген атка конгон Немесио Осегера Сервантести жок кылган соң зомбулук тутанды. Жер-жерде машинелер өрттөлүп, көчөлөр бөгөттөлдү. Картелдин мүчөлөрү коопсуздук күчтөрү менен кагылышты. Бир нече штатта чукул кырдаал киргизилди.
Чуулгандуу Алексей Ширшов кыргыз-орус сүйлөшүүсүнө катышты. Максим Бакиевдин мурдагы өнөктөшү кыргыз өкмөтүнө кантип жардам берет? Бишкектеги талаштуу Old Bishkek долбоору убактылуу токтотулду. Газада тынчтыкты коргоого казак армиясы да катышат. Борбор Азиядан эки мамлекет «Тынчтык кеңешине» кирди.
Түштүк Кореянын мурдагы президенти Юн Сок Ёл өмүр аягына чейин эркинен ажыратылды. Ал кутум уюштуруу жана өлкөнүн конституциялык түзүлүшүнө доо кетирүү аракети үчүн айыпталган. Экс-президент айыптоолорду четке кагып, мыйзамдын, ыйгарымдарынын алкагында иш жүргүзгөнүн айтууда.
Парламентте УКМКнын жетекчилигине бизнести коргоо, ишкерлерди ыксыз текшерүүнү токтотуу боюнча талаптар айтылды. Баткенде кыргыз-тажик чек арасын тактоодо алмашылган 350 гектарга жакын үлүш жана чарбалык жерлердин ордуна жер бөлүштүрүлө баштады. Женевада Украина боюнча үч тараптуу сүйлөшүү аяктады.
"Мамлекеттик кызматка барбайт, дос бойдон калабыз." Президент Садыр Жапаров Камчыбек Ташиевди кабыл алып, сүйлөшкөнүн билдирди. Бул арада Жогорку Кеңештин комитети атайын кызматтын башчылыгына Жумгалбек Шабданбековдун талапкерлигин карап, жактырды.
Дем алышта Мүнхен коопсуздук конференциясы жыйынтыкталды. 62-жолу уюштурулган форум дүйнөнүн ар кайсы жеринде чыңалуу күчөп турган учурда өттү. Миңден көп киши катышкан жыйында трансатлантикалык мамилелер, анын контекстинде Украинадагы согушту жөнгө салуу, коопсуздук маселелери талкууланды.
Дагы жүктөңүз
