Пакистандын түндүгүндөгү Вазиристан провинциясында бүгүн эртең менен куралдуу кагылышуу болуп, андан кеминде 11 адам набыт кетти. Генерал Шаукат Султандын айтымында, Ооган-Пакистан чек арасында антитеррордук аскерий операция жүрүп жатат. Апта башында дал ушул аймакта пакистандык өкмөттүк аскерлер "ал-Каида" террордук уюмунун башчысы Усама бин Ладенди кармоо операциясын жүргүзгөн, бирок анын кармалган-кармалбаганы тууралуу маалымат азырынча жок.
