ОШ. Жыйынга Кыргызстандагы эларалык маалымат каражаттарынын жетекчилери, мамлекеттик бийлик өкүлдөрү катышышты. Анда эларалык маалымат каражаттарындагы Кыргыз мамлекеттүүлүгүнүн 2200-жылдыгына карата өткөрүлгөн кароо-сынактын жыйынтыгы чыгарылып, жеңүүчүлөргө сыйлыктар берилди. Жыйынга эриш-аркак "Заман Кыргызстан" гезитинин мааракеси да белгиленди. Гезитти куттуктап Ош облустук жана шаардык жетекчиликтен өкүлдөр, журналисттер, чыгармачыл адамдар жана жөнөкөй окурмандар келишти. "Заман Кыргызстан" гезити 1992-жылдын декабрь айынан тартып кыргыз жана түрк тилдеринде чыгып келе жатат.
