МОСКВА. Бүгүн Новосибирск шаарынын акиминин орун басарын белгисиз бирөөлөр үйүндөгү лифттен атып кетишти. Облустук прокуратуранын божомолунда, Валерий Марьясов бирөөлөрдүн тапшырмасы боюнча өлтүрүлгөн. Марьясов шаардын менчиктештирүүнү көзөмөлдөгөн жер жана мүлк башкармалыгын жетектечү. Ушул эле кызматты ээлеген адам мындан төрт жыл мурда киши колдуу болуп өлгөн эле. Ал кылмыш али ачыла элек.
