БИШКЕК. Мамлекет башчы Аскар Акаев 15-марттан 17-мартка чейин Польшага барат. Президенттин маалымат кызматынын кабарлоосуна караганда, Аскар Акаев Польшанын президенти Александр Квасневский, палата төрагасы, өкмөт башчысы жана бизнес өкүлдөрү менен жолугушат. Жолугушуу учурунда эки өлкөнүн ортосундагы соода-экономикалык байланыштарды чыңдоо жана Кыргызстандын инвестициялык мүмкүнчүлүктөрү тууралуу сөз болот. Жолугушуунун соңунда эки тараптуу келишимдерге кол коюлат.
