ЕККУ Грузиядагы парламенттик шайлоого жогору баа берди

Уюмдун 440 кишиден турган байкоочулар тобунун жетекчиси Брюс Жорж бул жолку шайлоодон айырмаланып, ноябрдагы айлампада шайлоо жыйынтыгынын 70 пайызы күчүнөн кетирилгенин эскерди.

Жекшембидеги шайлоодо президент Михаил Саакашвилинин партиясы басымдуу добуштарга ээ болду. Бул ирет да оппозициячыл партиялар шайлоо бурмаланды деп даттанышты. Бирок президент Саакашвили шайлоонун жыйынтыгы грузин элинин мүдөөсүн чагылдырат деди:

- Tилекке каршы, оппозиция шайлоодо начар жыйынтыкка ээ болду. Бирок акыйкат шайлоо деген ушул. Биз шайлоо жыйынтыгын өзгөртө албайбыз.