ЖАЛАЛАБАД. Облустук Барпы атындагы театрда өткөн салтанатка мамлекеттик жана бейөкмөт уюмдардын башчылары, сот, укук коргоо адистери, ардагерлер катышты. Анда Конституцияда көрсөтүлгөн мыйзамдар иштеши үчүн бардык атуулдардын мыйзамды билип, аны аткаруу зарылдыгы белгиленди. Мыйзам бузулганда адам укуктары менен эркиндиктери сакталбай, Кыргызстан адам укугун урматтаган өлкө деген ураан куру чакырык бойдон кала берээри түшүндүрүлдү.
