Ахмад Кадыров өзү туулган Центорой айлында көмүлөт. Маскөөчүл президент кечээ Жеңиш күнүнө арналып, Грозныйда өтүп жаткан салтаната, ал отурган орундуктун алдында катылган бомба жарылганда көз жумду. Жардырууда ошондой эле Чеченстандын мамлекеттик кеңешинин жетекчиси, Ройтерс кабар агенттигинин журналисти жана башка төрт киши каза тапты. Чечен өкүлдөрү кол салууда 30 кишинин курман болгондугун айтууда.
