ТАЛАС. Билим берүү тармагынын кызматкерлери жана ата-энелердин пикирлерине караганда, өрөөндө билим берүү ишин уюштуруу быйыл жылдагыдан начар. Республикалык олимпиадада Таластын окуучуларынын билим деңгээли төмөн экендиги айкын болду. Билим берүү министрлери алмашкан сайын тармактын облустук жетекчилери да алмаша берип, бир айдан бери Таласта да бул орун бош. Маяналары аз болгондуктан мугалимдер педагогикалык ишти таштап кетип жаткан фактылар көп. Ата-энелерден ар кандай шылтоолор менен акча чогултуу көбөйдү, бирок каражат кандай сарпталып жаткандыгы тууралуу отчет берүү уюштурулбайт. Ошондуктан ата-эне менен мугалимдердин ортосунда ишеним төмөндөп, билим алуунун, дегеле мугалимдердин кадыры кетүүдө.
